Er vorið komið.

Heldur finst mér vorið koma hægt þótt hiti hafi farið í 14-15 stig í gær.

Varla að gróðurinn sé byrjaður að taka við sér.

 

Er en að koma helgi??

Já mikið er ég heppin að finnast vikurnar svona fljótar að líða, þá hlítur mér að líða vel. Á morgun ætlum við í skólanum í ruslatýnslu til að gera þorpið og nágrenni fallegra. Annars hefur sólin látið sjá sig undanfarið og ég kuldaskræfan verið úti á peysunni.

Það var grillað hér í dag í fyrsta skiptið á árinu.

Því miður er ég lítil garðræktar kona og maðurinn hefur ekki heilsu eins og er til stórverka, erum samt aðeins byrjuð að hreinsa til. Þröstur tók tré sem var fyrir utan eldhúsgluggann og sagaði það í burtu því það var dáið öðru megin= ekki fallegt lengur.

 

Þessi fallega ömmustelpa verður 6 ára þann 17 mai og heitir Arndís Dúna.

Hafið það gott og njótið þess að vera til.

Góðan dag.

Eigið góðan dag.

Hvað ætlar ný stjórn að gera ???

Hvað ætlar ný stjórn að gera fyrir landsbyggðarfólk?? Ég bý á smákrummaskuði eins og margir mundu kalla það. Kópasker er mjög illa sett núna allar líkur á að skólinn fari í Lund sem er 30 kílómetra keyrsla. Fólk sem á börn hér er mjög mótfallið þessu, og fleirri.

Ég hef unnið síðustu ár sem skólaliði, stuðningsfulltrúi og kennari við skólannn.

Krakkarnir segja að ég sé amma allra.

Mistök

Þetta hljóta að hafa verið hroðaleg mistök. Huld sem átti kisuna er systurdóttir mín. Ef þarf að aflífa dýr þá þarf allavega að láta eigundurna vita. Lámarks kurteisi.  Dýrin eru oft eins og börnin á heimilinu. Ekki ætla ég að saka einn eða neinn um vanrækslu, sennilega mörg mistök.

 

Skaut heimiliskött á Húsavík

Gleðilegt sumar.

Hitinn fór í tveggja stafa tölu á norður hjaranum í dag, vonandi bráðnar þá snjórinn hraðar í garðinum hjá mér.

Ætlaði bara að óska ykkur gleðillegs sumars og þakka fyrir veturinn.

Tók þessa mynd af bakgarðinum í dag 23. Apríl.

Bloggarleti.

Það hjáir mig blogg leti þessa dagana, en þar sem ég blogga nú ekki um neitt merkilegt þá gerir það lítið til. Ég horfi á framboðsfundi í sjónvarpinu og hristi hausinn til hægri og vinstri yfir sumu sem fólkið þar lætur út úr sér. Er ekki enþá búin að ákveða hvað ég kýs. En oft held ég að stjórnmálamenn hafi lofað meiru upp í ermina á sér en núna, mér finst vera minna um loforð núna hjá flestum frambjóðendum.

Ég varð amma í dag í 9 skiptið, þeim fæddist drengur  Sollu minni (Sólveig Kristín Sigurðardóttir) og hennar manni Gunnari Gunnarssyni stór og stæðilegur strákur 4150 gr og 53 cm, og þeim heilsast vel. Búið er að nefna drenginn Sigurð Braga. Sigurður í höfuðið á afa hans í Ystuvík og Bragi er í höfuðið á Braga Freymóðssyni sem býr í Santa Barbara og var eins og afi þeirra (Sollu og Gunna) þegar þau bjuggu þar.

Svo var ég boðin í tvö afmæli í dag hjá tveim drengjum í skólanum, gaman að því annar varð 7 ára hinn 12 ára. Þessi sem varð sjö ára sagði að ég væri sko hálfgerð amma allra krakkana á Kópaskeri. Auðvitað kunna þau að bræða mann. Kanski hef ég skammað þau of mikið í skólanum.

Hafið það gott.

 

Á skíðum skemmti ég ....

Sko ekki ég, en vonandi flestir hinir. Um að gera að skella sér í fjallið með fjölskylduna.

Frábært færi á skíðasvæðum

Verðum samt að halda sönsum.

Undanfarið kemst ekki mikið annað að í fréttum en STÓRU STYRKIRNIR til Sjálfstæðisflokksinns og þeir eru stór skandall. Allavega siðlaust þótt ekki hafi verið kominn lög.  Mikið er ég fegin að hafa aldrei kosið þá. Mér finst líka skrítið að Framsókn vill ekki opna sín fjármál, er eitthvað gruggugt þar?? Spyr sá sem ekki veit. V.G. hafa allt opið og Samfylking búin að gera sitt opinbert.  En því miður tel ég þetta bara byrjunina á því sem við fréttum af sukkinu, fleirra á trúlega eftir að koma í ljós til að hneyksla "gamlar ráðvandar" konur eins og mig.  Annars hef ég oftast haft trú á því að peningarnir ráði í þjóðfélaginu ekki þingmenn.  Veit ekki hvernig þetta fer þegar engir peningar eru til í landinu.

Ég óska öllum gleðilegra páska.

Páskahátíð.

Já nú er páskahátíðin að ganga í garð, þegar ég var barn þá var föstudagurinn langi lengsti dagur ársins, miklu lengri en aðrir dagar, við máttum ekki spila eða gera neitt skemmtilegt. Afi Arnbjörn sá um að við héldum daginn heilagann.  Nú er önnur öld. 

Ég er bara búin að vera með leiðindi (kvef og hósta) og náttúrlega ekkert gert að því sem ég ætlaði að gera í fríinu, æ það hleypur ekkert frá mér blessað rykið og skíturinn, nei hann bíður bara þangað til ég nenni að þvo hann burt.

 Hafið það gott elskurnar og góða páskahelgi.