Sólin skín, gluggaveður.

Sólin skín en samt er ekkert mjög hlýtt úti, bara gluggaveður.  

Ég er svo löt á blogginu þessar vikurnar að það er best að fara í bloggpásu í bili.

Hafið það gott.

Sumarfrí í viku

Já ég er í sumarfríi og er núna hjá mömmu í Miðhúsum í Sandgerði, ekki slæmt að vera þar. Kom til Reykjavíkur á fimmtudag og hitti dætur og barnabörnin þessi þrjú sem búa sunnan heiða, var að sjá yngsta ömmustrákinn Sigurð Braga í fyrsta sinn en hann er að verða 6 vikna. Laufey Björg og Solla fóru svo með mér í Kringluna á föstudag og "létu mig" kaupa hitt og þetta t.d. kjól, þeim hefur kanski fundist mamma gamla vera illa klædd eða?? Nú er ég bara orðin eins og ný Dúna, aldeilis munur eða sú gamla.

Ætla til Rvík aftur á morgun, hefði þurft að hafa fjögura vikna frí en ekki eina viku þetta er svo fljótt að líða.

Skólalok.

 Vorum voða dugleg í garðvinnu í gær, klipptum runna hægri,vinstri í samvinnu við nágrannana. Gott að eiga frábæra nágranna eins og Gunna Magga og öll fjölskyldan er. Síðan grilluðum við og borðuðum öll saman.

Í dag síðasti kennsludagur var í dag og við fórum í fjöruferð, grilluðum og kveiktum smá bál. Skólaslit verða svo á mánudag.

 Svo fórum við Þröstur aðeins út á Sléttu að Oddstöðum og Afaborg og fórum í gönguferð í fjörunni þar svona til að vera viss um að vorið sé komið.

Á morgun er svo útskriftin í kirkjunni á Húsavík, já ég er loks að útskrifast sem löglegur stuðningsfulltrúi í grunnskóla.

Siggi litli og Maggi.

 

Er en að koma helgi??

Já mikið er ég heppin að finnast vikurnar svona fljótar að líða, þá hlítur mér að líða vel. Á morgun ætlum við í skólanum í ruslatýnslu til að gera þorpið og nágrenni fallegra. Annars hefur sólin látið sjá sig undanfarið og ég kuldaskræfan verið úti á peysunni.

Það var grillað hér í dag í fyrsta skiptið á árinu.

Því miður er ég lítil garðræktar kona og maðurinn hefur ekki heilsu eins og er til stórverka, erum samt aðeins byrjuð að hreinsa til. Þröstur tók tré sem var fyrir utan eldhúsgluggann og sagaði það í burtu því það var dáið öðru megin= ekki fallegt lengur.

 

Þessi fallega ömmustelpa verður 6 ára þann 17 mai og heitir Arndís Dúna.

Hafið það gott og njótið þess að vera til.

Góðan dag.

Eigið góðan dag.

Mánudagur

Vá skrítið að þurfa ekki í vinnu þótt það sé mánudagur. Gott að vera í páskafríi. Lítið héðan að frétta. Sumarið vonandi á næsta leiti.

Vorið góða, grænt og hlýtt,

græðir fjör um dalinn.

Allt er nú sem orðið nýtt,

ærnar, kýr og smalinn.

 

Kveður í runni, kvakar í mó

kvikur þrastasöngur.

Eins mig fýsir alltaf þó

aftur að fara í göngur.

Jónas Hallgrímsson.

Ég er ekki eðlileg.

Sko eftir að vera með magapínu fimmtudag og föstudag þá var ég bara hress á laugardaginn og var að vinna með öðrum kvennfélagskonum vegna jarðarfarar sem var hér. Á laugardagskvöldið var ég svo orðin fárveik með bullandi hita. Lagðist í rúmmið um tíu og sofnaði nokkru seinna, vaknaði svo að ganga þrjú át c vítamín og sólhatt ásamt verkjatöflum, sofnaði aftur og svaf fast þegar ég vaknaði í morgun var rúmmið rennandi blautt því ég hafði svitnað svo mikið en hitinn var horfinn, floginn út um gluggann. Ég er samt snýtandi mér og hnerrandi en það er nú ekkert, er ansi slöpp líka. Gott að taka páskafríið í leiðindi.

 Karlinn kominn heim og farin að rífa sig eða þannig(ég ríf mig þá bara meira)

Hafið það gott og hættið að hugsa um kreppu, hún fer illa í maga.

Helgi

Nú er en ein helgin kominn og svo koma páskarnir, gott að hafa eitthvað til að hlakka til. Ég er að vísu búin að vera með upp og niður síðan í gær, aðallega niður en það er allt að lagast.  Svo er ég komin í páskafrí að mestu leyti er að vísu að þrífa heilsugæsluna og þarf að gera það fram á miðvikudagskvöld. En skólinn kominn í frí.  Fósturdóttirinn fór í kvöld til mömmu sinnar og verður þar í páskafríinu svo við verðum ein heima gömlu hjúin, sko ef kallinn kemur heim, ég á von á honum á morgun en núna er ég alein heima og líkar það bara vel.

 Hafið það gott og gerið ekkert af ykkur.

Bráðum kemur sumar.

Já vonandi kemur sumar að lokum, því nú er vetur í ýmsum skilningi.

Skólinn á Kópaskeri.

Snjór

Börnin kunna að meta þetta.

Húsið mitt að framanverðu, það er meiri snjór í garðinum.

Hafið það gott, ég kem úr snjóhúsinu með sumarkomu.

Kvitt og kveðja.

Blogg.

Á fimmtudag skrapp ég á bókasafnið og þá fór að koma ansi skrítinn lykt í bílnum mínum "gúmmíbrunalykt" Þröstur fór svo með hann á verkstæðið og þar er hann enþá held að pakkningar hafi verið ónýtar.
Um hádegi á föstudag stal ég bara JEPPANUM hans Þrastar og brunaði til Akureyrar og þaðan lögðum við mæðgur 3 af stað í sumarbústað í Borgarfirði, hinar 3 komu að frá Rvík, ákveðið var að fara á jeppanum því veðurspá var leiðinleg fyrir sunnudaginn. Það var bara æðislegt að vera með dætrunum öllum um helgina, kjaftað, rifjað upp ýmis prakkarastrik frá æskuárum og svo var spilað, farið í pottinn, labbað í búðina á Bifröst og ýmislegt fleirra sér til gamans gert. Sem sagt frábær helgi. Takk stelpur þið eruð æðislegar .  En svo lögðum við norðankonur af stað kl 13,15 frá bústaðnum og stuttu eftir að komið var fram hjá Hreðavatnsskála fór útsýnið að takmarkast og er upp á Holltvörðuheiði kom þá sást stundum ekki á milli stika, keyrði ég á 20-30 km hraða yfir heiðina og heldur skánaði útsýnið er við komum að Staðarskála hinum nýja og var bara ágæt færð alla leið til Akureyrar en þamgað komum við fimm tímum eftir brottför.  Á Akureyri var hríð og Víkurskarð ófært svo að þar sem það er ekki flug gír á bílnum þá komst ég ekki lengra. Ég ákvað að fara til Helgu Magg og það lá við að hún fengi hjartaáfall hún varð svo hissa að sjá mig í þessu veðri, en auðvitað fór hún og náði í fiskibollur og ég fékk nammi namm mat hjá henni. Kíkti svo á skattaskýrsluna hennar það tók bara 5 mín að redda henni (ég er svo klár )  Svo vaknaði ég 6,50 í morgun og þegar Helga var farin í vinnuna þá kíkti ég á færðina í tölvunni, sá að það var farið að moka svo ég hringdi í 1777 til að fá betri upplýsingar um moksturinn á Víkurskarði, mér var tjáð að það yrði sennilega búið að opna rúmlega 8 svo ég fór af stað tíu mínótur í átta og komst heilu og höldnu yfir skarðið og alla leið heim var ég komin 10,20 var svo mætt í vinnu 5 mín seinna sem var eins gott því Aðalbjörg (skólastjóri) var að drepast í maganum og fór heim, ég kláraði svo daginn með 1-4 bekk. Það voru sko fleirri en ég veðurtepptir því það vantaði 3 aðra (einn er bara að kenna í einn tíma) Ætli ég þori nokkuð að fara oftar að heiman?  Það er allt á kafi í snjó hér á skerinu, allavega mesti snjór sem komið hefur í vetur.
Hafið það svo gott elskurnar mínar.