Skólaferðalag 1-6 bekkjar.

Á morgun er 1-6 bekkur á Kópaskeri og Lundi Öxarfirði að fara í skólaferðalag, stefnan er tekin á Mývatnssveit að hitta jólasveinana í Dimmuborgum. Það segja mér börnin að þar séu sko alvöru jólasveinar, ekkert plat eða "plastjólar,, eins og einn sagði um jólasveinana sem hjálpuðu við að kveikja á jólatrénu um helgina. HOO hvað ég hlakka til þótt við höfum líka farið þangað í fyrra. Ég vona bara að þeir taki ekki feil á mér og mömmu sinni Grýlu gömlu.  Svo á að fara í Vogafjósið líka, bæði í kaffi og kvöldmat.  Einn jóli ætlar að koma með okkur í íþróttahúsið þarna á milli þess að við étum. Á heimleið er áætlað að stoppa á Húsavíkinni og sjá Emil í Kattholti. Seint og um síðir komum við svo heim aftur. Það held ég að jólin hljóti að fara að nálgast eftir hittinginn við Jólasveinana.   Það er eins gott að muna eftir myndavélinni.

Athugasemdir

[Erna, 2.12.2008 kl. 21:17]

Góða skemmtun á morgun, skilaðu kveðju til sveinka frá mér

[Sigríður Jóhannsdóttir, 2.12.2008 kl. 21:42]

Sveinkar að mínu skapi í Mývatnssveitinni Góða ferð og skemmtun með „krílunum“ Dúna mín!

[Jónína Dúadóttir, 2.12.2008 kl. 21:54]

Þetta hljómar frábærlega

[Anna Guðný , 3.12.2008 kl. 23:12]

Nú ertu trúlega komin heim. Mikið hefur nú verið gaman hjá ykkur, trúi ég.

Hafðu það gott ljúfan

[Jakobína Ingunn Ólafsdóttir, 3.12.2008 kl. 23:32]

Það verður fjör hjá ykkur í sveitinni. Skemmtið ykkur vel!