Þeir stóðu sig vel.

Að mínu mati stóðu bæði Geir og Sigmundur sig vel í Kastljósi í kvöld. Ég var kannski ekki alltaf ánægð með öll svörin en samt fannst mér Geir fara vel út úr þessu. Ég öfunda ríkistjórnina ekki en er svo "heppin" að hafa aldrei kosið sjálfstæðisflokkinn, fannst hann ekki vera á minni línu.  En ég var óánægð með að ekki ætti að skipta um seðlabankastjórana, vildi sjá aðra þar við stjórn,ekki menn úr pólitík ég vil líka kosningar svona undir vor. Ég teldi það óábyrgt af ríkistjórn að kúpla út núna strax. Vont skip með engan skipstjóra í ólgusjó.

Hafið það svo eins gott og þið getið. Knús frá tábrotnu Dúnu.        

Á bara að henda fólkinu út á guð og gaddinnn strax í dag?

Ég held að þetta sé bara byrjunin, miklu fleiri eiga eftir að missa vinnuna. Það mun ríkja mikil hræðsla hjá öllu bankastarfsfólki og mörgum öðrum á Íslandi. Fyrirtæki munu fara umvörpum á höfuðið, því miður og einstaklingar fylgja þar á eftir, því ekki borgar þú reikninga án atvinnu.
Ef jafn mikið er að marka ummæli ráðamanna um að innistæður og sparífé fólks sé tryggt og ýmislegt annað sem þeir hafa verið að lofa upp í ermina á sér, þá er því miður engu að treysta um það. Allavega mundi ég ekki éta hattinn minn upp á það.
Reynið samt að sofa rótt því það bjargar engu að verða andvaka.

Óvissa með uppsagnarfrest

Selur

Já mikið finst mér gott að það séu ekki allar fréttir um helv... fjármál.  Held samt að þeir sem búa á Grenivík hafi oft séð sel en kanski ekki veikan uppi á landi.

Selur í fjörunni á Grenivík